’ کام کی جگہ پر پُرجوش رہیے ‘

رفاہ بین الاقوامی یونیورسٹی اسلام آباد کے مرد معلمین کے ایک وفد نے ’ کام کی جگہ پر پُرجوش رہیے ‘ کے موضوع پر ہونے والی ورکشاپ میں شرکت کے لیے آئی پی ایس کا دورہ کیا۔ ورکشاپ کا انتظام یونیورسٹی کے شعبہ تربیہ نے کیا تھا اور ۱۶ نومبر ۲۰۱۸ کو ہونے والی اس ورکشاپ کا میزبان IPS LEAD – The Learning, Excellence and Development Program of IPS تھا۔

۲۲ رکنی وفد سے ڈائریکٹر جنرل آئی پی ایس خالد رحمٰن نے خطاب کیا۔ انہوں نے “How to Tackle Workplace Stresses” کے موضوع پر لیکچر دیتے ہوئے شرکاء کو اس بات کی تاکید کی کہ وہ اپنے دفتری کاموں کو ذمہ داری کے طور پر لیں اور اپنے کام سے محبت کرنا سیکھیں۔ ان کا کہنا تھا کہ ان دو طریقوں کو اختیار کرنے سے نہ صرف اہلکاروں کی مہارت میں اضافہ ہو گا بلکہ ان میں اپنی پیشہ ورانہ کمیوں پر قابو پانے کی بھی تحریک پیدا ہو گی۔