مباحث، نومبر ۲۰۱۱ ء

قومی امور

سال ۲۰۱۱ ء کی  پانچویں دو ماہی میں کراچی کی ابتر صورت حال، پاکستان اور امریکہ کے تعلقات میں کشیدگی اور اے پی سی کا انعقاد ، ذو القفقار مرزا کی جانب سے کیے جانے والے انکشافات، ممتاز قادری کو دی جانے والی سزائے موت، اور ڈینگی و سیلاب جیسے موضوعات  جرائد کا موضوع رہے۔  تاہم قومی نوعیت کے کئی اہم موضوعات  جرائد کی توجہ حاصل نہ کر سکے جن میں  ریلوے  کی ابتر صورت حال اور ملازمین کا احتجاج، پی آئی اے کی دگرگوں صورت حال، این آئی سی ایل اسکینڈل اور اس کے بارے میں آنے ولا فیصلہ، بھارت کو پسندیدہ ملک قرار دینے کا معاملہ، ہیلری کلنٹن کا دورہ پاکستان  جیسے موضوعات شامل ہیں۔