"مغرب اور اسلام” کا تازہ شمارہ (نمبر 43)
 |
|
||||||||||||||||||||||||||||
انسٹی ٹیوٹ آف پالیسی اسٹڈیز اسلام آباد کے علمی و تحقیقی مجلّے ”مغرب اور اسلام“ کا تازہ شمارہ (نمبر 43) شائع ہو گیا ہے۔ اس شمارے میں ”مغرب میں اسلام کا خوف“ کے موضوع پر مضامین شائع کیے گئے ہیں۔ اس شمارے میں مجلّے کے مدیر ڈاکٹر انیس احمد کے علاوہ جن دیگر اہلِ علم و فکر کے مضامین شامل ہیں ان میں امریکہ، برطانیہ، ترکی، اردن اور سویڈن سے تعلق رکھنے والے یونیورسٹیوں کے پروفیسر، اہل دانش اور سفارت کار شامل ہیں۔
یاد رہے کہ ”مغرب اور اسلام“ انسٹی ٹیوٹ آف پالیسی اسٹڈیز اسلام آباد کا اردو جرید ہ ہے جو مغرب اور اسلام کے درمیان رونما ہونے والے اہم علمی و فکری مباحث نیز سیاسی، سماجی، معاشی اور علمی و تہذیبی تعلقات کے امور کا احاطہ کرتا ہے۔ اس میں مغربی مصنفین کے اسلام اور مسلمانوں کے بارے میں پیش کیے گئے خیالات کا ترجمہ بھی پیش کیا جاتا ہے اور مسلم مفکرین اور اہل دانش کے خیالات بھی پیش کیے جاتے ہیں۔ یہ جریدہ دنیائے اسلام کے بارے میں امریکی اور یورپی اسکالرز کے نقطۂ نظر کو سمجھنے، ’تہذیبوں کے تصادم‘ کی روک تھام اور تعمیری اور مثبت مکالمہ کے فروغ کے لیے حصہ ادا کرتا ہے۔
جواب دیں