بیجنگ میں پاک چین تھنک ٹینک سیمینار

 انسٹی ٹیوٹ آف پالیسی اسٹڈیز اسلام آباد کے ڈائریکٹر جنرل خالد رحمٰن نے اپنے دورۂ چین کے موقع پر 16 اور 17 دسمبر 2015ء کو بیجنگ میں ہونے والے پاک چین تھنک ٹینک سیمینار میں شرکت کی۔ اس سیمینار کا عنوان تھا: ”سدا بہار پاک چین اسٹریٹیجک تعاون و اشتراک کا جامع فروغ“۔ یاد رہے کہ یہ سیمینار 2014ء کے اوائل میں ہونے والے اسی نوعیت کے سیمینار کا تسلسل تھا۔ اُس وقت یہ سیمینار اسلام آباد میں ہوا تھا اور چینی سفارت خانے اور چائنا انسٹی ٹیوٹ آف انٹرنیشنل اسٹڈیز (CIIS) نے مشترکہ طور پر اس کا اہتمام کیا تھا۔

ان علمی مجالس کا مقصد دونوں ملکوں کے تھنک ٹینکس کو باہمی تبادلہ خیال کا ایک بامعنی فورم فراہم کرنا ہے۔